Dinas hanesyddol yn nhalaith Hatay yn ne-orllewin Twrci, ger y Môr Canoldir, yw Antakya. Tyfodd ar safle dinas hynafol Antiochia (Antochia ar Orontes), ar lannau afon Orontes, nepell o'r ffin â Syria heddiw. Y ddinasoedd cyfagos yw Iskenderun yn Nhwrci i gyfeiriad y gogledd, Aleppo yn Syria i'r dwyrain a Latakia, hefyd yn Syria, i'r de. Mae gan y ddinas le arbennig yn hanes y Gristnogaeth fel y lle y galwyd dilynwyr Iesu o Nasareth yn Gristnogion am y tro cyntaf.
