Sefydliad addysg uwch yn ninas Dulyn, Gweriniaeth Iwerddon yw Coleg y Drindod, Dulyn (Saesneg: Trinity College, Dublin; Gwyddeleg: Coláiste na Tríonóide, Baile Átha Cliath; Lladin: Collegium Sacrosanctae et Individuae Trinitatis Reginae Elizabethae juxta Dublin).
Coleg y Drindod yw unig goleg Prifysgol Dulyn; mae'r berthynas rhwng y ddau sefydliad yn bur gymhleth, a gellir dadlau eu bod yn "un corff". Sefydlwyd y coleg yn 1592 gan freintlythyr gan Elisabeth I, brenhines Lloegr. Ceir dros 4.5 miliwn o lyfrau a llawer o lawysgrifau yn llyfrgell y coleg. Yr enwocaf o'r llawysgrifau yw Llyfr Kells.