Gasherbrum I yw'r 11eg mynydd yn y byd o ran uchder. Weithiau cyfeirir ato fel K5 neu Hidden Peak.
Cafodd Gasherbrum I yr enw K5 fel y pumed copa yn y Karakoram gan T.G. Montgomery yn 1856. Yn 1892, rhoddodd William Martin Conway yr enw Hidden Peak iddo, gan ei fod mor anghysbell.
Dringwyd y mynydd am y tro cyntaf ar 5 Gorffennaf 1958 pan gyrhaeddodd dau ddringwr o'r Unol Daleithiau, Pete Schoening ac Andy Kauffman, y copa. Yn 1975 cyrhaeddodd Reinhold Messner a Peter Habeler y copa ar hyd llwybr newydd o'r gogledd-orllewin.