Y mynydd uchaf yng Ngwlad Roeg yw Mynydd Olympus (Groeg: Όλυμπος). Gan fod gwaelod y mynydd bron ar lefel y môr, mae mwy o ddringo i'w wneud i gyrraedd y copa nag ar bron unrhyw fynydd arall yn Ewrop. Saif tua 80 km o ddinas Thessaloniki, a gellir ei ddringo o dref Litochoro. Mitikas yw'r copa uchaf ar y mynydd. O ran amlygrwydd y mynydd, dyma un o gopaon uchaf Ewrop.
Ym mytholeg Roeg, Mynydd Olympus oedd cartref y Deuddeg Olympiad, prif dduwiau'r pantheon Groegaidd, a chysylltir ef yn arbennig â'r duw Zeus.