Llosgfynydd ym Mecsico yw Popocatépetl (Nahuatl: Popōca tepētl, "y mynydd sy'n mygu"). Saif yng nghanolbarth y wlad, ar ffiniau taleithiau Morelos, Puebla a Mecsico a 55 km i'r de-ddwyrain o Ddinas Mecsico.
Popocatépetl yw llosgfynydd ail-uchaf Mecsico, ar ôl Pico de Orizaba. Ers 1354, cofnodir iddo ffrwydro 18 o weithiau. Cofnodir i aelodau o lwyth y Tecuanipas ddringo'r mynydd yn 1289, ac i'r Sbaenwyr dan Diego de Ordás ei ddringo yn 1519. Yn 1994, dynodwyd y mynachlogydd ar ei lethrau yn Safle Treftadaeth y Byd gan Unesco.