Rhaeadrau ar Afon Iguazú ar y ffîn rhwng yr Ariannin a Brasil yw Rhaeadrau Iguazú (Sbaeneg: Cataratas del Iguazú, Portiwgaleg: Cataratas do Iguaçú). Dynodwyd dwy ochr yr afon o gwmpas y rhaeadrau yn barciau cenedlaethol, Parque Nacional Iguazú yn nhalaith Misiones yn yr Ariannin a'r Parque Nacional do Iguaçu yn nhalaith Paraná, Brasil.
Ffurfir y rhaeadrau o tua 275 rhaeadr unigol, bron 70 medr o uchder. Yn 1984 cyhoeddwyd y Parque Nacional Iguazú yn yr Arianinn yn Safle Treftadaeth y Byd gan UNESCO; yna yn 1986 cyhoeddwyd y Parque Nacional do Iguaçu ar ochr Brasil yn Safle Treftadaeth y Byd hefyd. Mae'r rhaeadrau a'r goedwig drofannol o'u cwmpas yn atyniad pwysig i dwristaid.