Mae Seljalandsfoss yn rhaeadr yng Ngwlad yr Iâ. Lleolir Seljalandsfoss yn Rhanbarth y De, wrth ymyl y brif ffordd sy'n amgylchynu'r ynys, Ffordd 1 ar hyd y ffordd sy'n arwain at Þórsmörk, Ffordd 249. Ystyr yr enw yw rhaeadr Seljaland
Cwympa'r rhaeadr 60m ac mae'n rhan o afon Seljalands sy'n tarddu yn rhewlif llosgfynydd Eyjafjallajökull. Gall ymwelwyr gerdded y tu ôl i'r rhaeadr. Dyma oedd y llosgfynydd enwog a ffrwydrodd yn 2010 gan achosi anhawsterau i awyrennau hedfan i Wlad yr Iâ.
Yn 2017 achosodd cynlluniau i adeiladu canolfan wybodaeth 2000m sgwâr ac 8 metr o uchder ger y rhaeadr dadlau mawr ar yr ynys. Dadleua'r gwrthwynebwyr y byddai'r datlygiad yn anharddu golygfa a natur yr ardal a'r atyniad.
Mae Seljalandsfoss yn rhan o deithiau disgyblion ysgol o Gymru sy'n ymweld â Gwlad yr Iâ. Rhan o atyniad y rhaeadr yw fod modd i ymwelwyr sefyll y tu ôl iddi ac edrych trwy len y dŵr sy'n cwympo ar yr olygfa.
Roedd Seljalandsfoss ar hyd cymal cyntaf The Amazing Race 6.
Mae fideo swyddogol cân Justin Biebier, I'll Show You yn cynnwys lluniau o lagwns ac afonydd rhewlifau yn ne'r ynys gan gynnwys Seljalandsfoss.